ಅಂದು ನಗರದಲ್ಲೆಲ್ಲ ಹೋಳಿ ಹಬ್ಬದ ಸಡಗರ. ಇದೇ ಸಂದರ್ಭದಲ್ಲಿ ನಾಯಕನ ತಂಗಿ ಶಾಲೆಗೆ ಹೋಗುತ್ತಿರುವಾಗ ೫ ಜನ ಕಿಡಿಗೇಡಿಗಳು ಆಕೆಯ ಮೇಲೆ ಬಣ್ಣ ಹಾಕುವುದಲ್ಲದೆ ಅಸಭ್ಯವಾಗಿ ನಡೆದುಕೊಳ್ಳುತ್ತಾರೆ. ಈ ವಿಷಯ ತಿಳಿದು ಅಲ್ಲಿಗೆ ಬಂದ ನಾಯಕ ಮೋಹನ್ ಅವರೊಂದಿಗೆ ಹೊಡೆದಾಡುವ ದೃಶ್ಯವನ್ನು ಭವ್ಯಾಸ್ಮಿ ಮೂವೀಸ್ ಕ್ರಿಯೇಷನ್ಸ್ ತಯಾರಿಸುತ್ತಿರುವ ಜಾಸ್ಮಿನ್ ಡಾಟ್-೫ ಚಿತ್ರಕ್ಕಾಗಿ ಕಳೆದ ವಾರ ಜೆ.ಪಿ.ನಗರ ಮೈದಾನದಲ್ಲಿ ಚಿತ್ರೀಕರಿಸಿಕೊಳ್ಳಲಾಯಿತು.
ವಿ,ಕೃಷ್ಣ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶನ ಮಾಡುತ್ತಿರುವ ಈ ಚಿತ್ರಕ್ಕೆ ಪ್ರಸನ್ನಕುಮಾರ ಛಾಯಗ್ರಹಣ, ಎಂ.ಸಂಜೀವ್ - ಶ್ರೀ ಹರ್ಷ ಸಂಗೀತ, ಹರಿಕೃಷ್ಣ - ಮನು ನೃತ್ಯ ನಿರ್ದೇಶನ, ಅಲ್ಟಿಮೆಟ್ ಶಿವು ಸಾಹಸ, ಶ್ರೀಕಾಂತ ಸಂಕಲನ, ಕೃಷ್ಣ ಸಾಹಿತ್ಯವಿದೆ. ಮೋಹನ್, ನವ್ಯ, ಸಂಗೀತ, ಭವ್ಯ, ಅವಿನಾಶ್, ಗಿರಿಜಾ ಲೋಕೇಶ್, ಪದ್ಮಜಾ ರಾವ್, ಹೊನ್ನವಳ್ಳಿಕೃಷ್ಣ, ಗೌತಮ್ ಹೇಮಂತ್, ಕಿಶೋರಶೆಟ್ಟಿ, ಲಕ್ಷ್ಮೀದೇವಮ್ಮ, ಮುರುಳಿ, ಪ್ರಕಾಶ್ ಮುಂತಾದವರಿದ್ದಾರೆ.